BENEDICTIO INSTRUMENTORUM AD MONTES CONSCENDENDOS 

V. Adjutorium nostrum in nomine Domini. 

R. Qui fecit caelum et terram. 

V. Dominus vobiscum. 

R. Et cum spiritu tuo. 

Oremus 

Benedic, quaesumus, Domine, hos funes, baculos, rastros, 

aliaque hie praesentia instrumenta : ut quicumque iis usi 

fuerint inter ardua et montis abrupta, inter glacies, nives et 

tempestates, ab omni casu et periculo praeserventur, ad 

culmina feliciter ascendant, et ad suos incolumes revertantur. 

Per Christum Dominum nostrum. Amen 

Oremus 

Protege, Domine, intercedente Beato Bernardo, quem 

Alpium incolis et viatoribus Patronum dedisti, hos famulos 

tuos : ipsisque concede, ut, dum haec conscendunt culmina, 

ad montem qui Christus est valeant pervenire. Per eundem 

Christum Dominum nostrum. Amen 

Et aspergantur aqua benedicta. 

S.C.R. die 14 Octobris 1931.